Qoşqar Məmmədov: “İctimai və sosial layihələrin həyata keçirilməsini vacib hesab edirik”
“İctimaiyyətin və şəhər sakinlərinin sosial həyatına töhfə verən layihələrin həyata keçirilməsini hər zaman diqqətdə saxlayırıq. Bu istiqamətdə iki layihəmiz uğurla yekunlaşıb”- bu barədə məlumatı Gəncə şəhəri, Nizami bələdiyyəsinin sədri Qoşqar Məmmədov deyib.
Sədrin sözlərinə görə, layihələrdən biri idman yarışının
keçirilməsinə maliyyə dəstəyinin göstərilməsi ilə bağlı olub. İdmanın, xüsusilə
də gənclərin idmana marağının artırılması, sağlam həyat tərzinin təşviqi və
insanların bir araya gəlməsi baxımından bu cür təşəbbüslərin mühüm əhəmiyyət
daşıdığına inanırıq.
Digər layihə isə Gəncə şəhəri, H.Z. Tağıyev küçəsində yerləşən
parkda yenidənqurma işlərinin aparılmasını əhatə edib. Parkın yenilənməsi
sakinlərin istirahəti və asudə vaxtlarının daha rahat və əlverişli şəraitdə təşkili
baxımından əhəmiyyətli addımdır.
Sədr hesab edir ki, atılan addımlar şəhər mühitinin
yaxşılaşdırılmasına, idmanın inkişafına və insanların sosial rifahına yönələn
belə layihələr davamlı olmalıdır. Gələcəkdə də bələdiyyənin maliyyə imkanları çərçivəsində cəmiyyət üçün faydalı təşəbbüslərin
həyata keçirilməsinə dəstək göstərməyə çalışacağıq.
Belediyye.info
Rəylər
0 Rəy