02-10-2023 , 09:23
1390
Yüklənir...
Ağsu rayonu Gəgəli bələdiyyəsi
04-09-2023
Gəncə şəhəri Nizami bələdiyyəsi
08-04-2023
07-04-2023
07-04-2023
06-04-2023
06-04-2023
06-04-2023
06-05-2025
16:27
18-11-2024
21:35
25-10-2024
22:08
17-10-2024
09:05
+
Xırdalanda təqdim olunan “1001 iş” adlı əmək yarmarkası böyük marağa səbəb olub
Sumqayıt, 30 sentyabr, Ətrabə Rzayeva, AZƏRTAC
Sentyabrın 30-da Xırdalandakı Mədəniyyət Mərkəzinin qarşısında Avropa İttifaqı (Aİ) və Birləşmiş Millətlər Təşkilatının İnkişaf Proqramının (BMTİP) dəstəyi ilə ictimaiyyətə açıq “1001 iş” adlı əmək yarmarkası təşkil edilib. “İqtisadi İnkişafı Dəstəkləyən Bələdiyyə Sədrləri" (M4EG) proqramı çərçivəsində keçirilən yarmarkanın məqsədi Xırdalan şəhərində məşğulluq və dövlət-özəl tərəfdaşlığı imkanlarının artırılmasına dəstək göstərməkdir.
AZƏRTAC xəbər verir ki, əmək yarmarkasında qonaqpərvərlik, turizm, təhsil, nəşriyyat, qida, alternativ enerji və tikinti sektorunda fəaliyyət göstərən 30 şirkət iştirak edib. Şirkətlər ziyarətçilərə cari vakansiyalar, təcrübə imkanları haqqında məlumat verib və potensial işçilərin seçilməsi üçün bir sıra sessiyalar təşkil ediblər.
“1001 iş” tədbiri dinamik stendləri, interaktiv oyunları və müsabiqələri ilə mindən çox ziyarətçini cəlb edib. İctimai tədbirin hədəf qrupu - karyera qərarı verməyə hazırlaşan, iş axtaran, yaxud bilik və bacarıqlarını təkmilləşdirmək üçün yeni təhsil imkanları ilə maraqlanan 14-29 yaşlı yerli gənclər olub.
Mövzu istiqamətinə uyğun olaraq, tədbir Aİ tərəfindən maliyyələşdirilən və BMTİP tərəfindən həyata keçirilən digər layihə “Gələcək üçün peşə təhsili və təlimi” tərəfindən dəstəklənib.
Xırdalan Bələdiyyəsi “İqtisadi İnkişafı Dəstəkləyən Bələdiyyə Sədrləri" (M4EG) proqramının “Portfolio Səyahəti” istiqamətinin iştirakçısı kimi Azərbaycandan seçilmiş iki yerli özünüidarəetmə orqanlarından biridir. Son bir il ərzində bələdiyyə komandası “Sahibkarlıq və Gənc İstedad” adlı Şəhər Transformasiyası Portfelini hazırlayıb. Bu portfelin əsas məqsədi əlverişli innovativ biznes mühiti yaratmaq; mövcud yerli istedadların potensialını artırmaq və işlərə cəlb etmək, eləcə də tədricən digər ərazilərdən istedadlar cəlb etmək; yeni və fərqli məkan kimliyi yaratmaq, həmçinin Xırdalan Bələdiyyəsi ilə onun sakinləri arasında qarşılıqlı əlaqəni şaxələndirmək və gücləndirməkdir.
M4EG şəbəkəsi üzrə qabaqcıl şəhərlərdən biri olan Xırdalan Bələdiyyəsi özəl sektoru və digər əlaqədar tərəfləri cəlb edərək gəncləri dəstəkləyəcək və ərazinin daha dayanıqlı inkişafı üçün səylərini davam etdirəcək.
“1001 iş” əmək yarmarkası 2024-cü ilin sonuna qədər Xırdalan şəhərində keçiriləcək silsilə tədbirlərdən birincisidir.
Rəylər
0 Rəy