"Bələdiyyənin inkişafına hər bir sakin, hər bir seçici öz töhfəsini verməli, vergiləri vaxtında ödəməli, bələdiyyədən şəffaf fəaliyyət göstərməsini bir növ tələb etməlidirlər"- bu fikirləri Xətai rayonu Əhmədli bələdiyyəsinin sədri Allahverdi Həsənli bələdiyyə də təcrübə keçən Dövlət İdarəçilik Akademiyasının tələbələri ilə görüşdə deyib. 

Görüşdə həmçinin "Bələdiyyələrin fəaliyyətinin təbliği" İctimai birliyinin sədri Vüqar Tofiqli də iştirak edib.

 Sədr bələdiyyənin əldə etdiyi uğurlardan, üzləşdiyi problemlərdən, o cümlədən qarşıda duran vəzifələrdən danişaraq, 2019 -cu illə müqayisədə bələdiyyənin büdcə gəlirlərinin 12 dəfəyədək artdığını qeyd edib. 

Belə ki, əgər 2019-cu ildə Əhmədli bələdiyyəsinin il ərzində  15.804 manat büdcə gəliri olduğu halda , ötən il bu rəqəm  182.565  manat olub. 

Sədr təəsüf hissi ilə bildirib ki, bələdiyyəni  250 min manatlıq borcla qəbul edib. 

Lakin  sədr seçildikdən sonra Xətai RİH başçısı Rafiq Quluyevin bilavasitə təşəbbüsü və dəstəyi ilə bu gün borcun, xüsusəndə DSMF borcunun  həcmini  24 min manatadək azalda bilmişik. Həm vergi xidməti əməkdaşlarının, həm bələdiyyə üzvlərinin , həm də rayon bələdiyyəsinin təcrübəsindən yararlanaraq  Əhmədli bələdiyyəsi tərəfindən  ciddi addımlar atılmaqdadır. 

DSMF -yə  2022-ci ildə 25.000 manat, 2023-cü ildə  22.372 manat, 2024 cü ildə isə 34.200 manat odənilib. Cari ildə bələdiyyənin üzərinə düşən borcların bütovlükdə bağlanılmasına nail olacağımıza ümid edirəm. Sədr görüşdə maraqlı bir məqama da toxunmağı unutmadı. 

Belə k, 2022-ci ilin  may ayının 12-də, yəni ilk dəfə bələdiyyə sədri seçilənədək bələdiyyənin cəmi 3.839 manat büdcə gəliri olduğu halda, may ayının 12 dən ilin sonundək bələdiyyənin əldə etdiyi büdcə vəsaitilərinin həcmi 127 min manatdan artıq olmuşdu.  

Bugün  bələdiyyə olaraq BAMS-ın yaratdığı imkanlardan istifadə edərək büdcə gəlrilərini artırmağa, əvvəlki illərdən yığılıb qalmış borcları bağlamaq niyyətindəyik.

Bələdiyyənin vergi xidməti bu gün  həm sakinlərlə görüşlər keçirir, həm maaarifləndirici söhbətlər aparır, həm də bildirişləri paylayırlar. O cümlədən SMS  xidmətindən istifadə etməklə vergi ödəməkdən yayınmaq istəyənləri vergi cəlb edirik.  

Görüşdə təcrübəyə gələn tələbələri narahat edən suallar cavablandırılmışdır.

Əsasən qanunvericiliklə bağlı olan sualları həm sədr Allahverdi Həsənli,həm də "Bələdiyyələrin fəaliyyətinin təbliği" İctimai birliyinin sədri Vüqar Tofiqli cavablandırıb.

Sədr sonda inzibati binada kollektivin fəaliyyəti ilə tələbələri tanış edərək, öz tövsiyələrini də verməyi unutmadı.

Belediyye.infio