17-01-2025 , 15:55
1168
Yüklənir...
Ağsu rayonu Gəgəli bələdiyyəsi
04-09-2023
Gəncə şəhəri Nizami bələdiyyəsi
08-04-2023
07-04-2023
07-04-2023
06-04-2023
06-04-2023
06-04-2023
06-05-2025
16:27
18-11-2024
21:35
25-10-2024
22:08
17-10-2024
09:05
+
Yaz sessiyasında Regional məsələlər komitəsinin İLK İCLASI
Yanvarın 17-də Milli Məclisin Regional məsələlər komitəsinin 2025-ci ilin yaz sessiyasında ilk iclası keçirilib.
Modern.az xəbər verir ki, komitə sədri Siyavuş Novruzov gündəlik barədə məlumat verib. O, iclasın gündəliyinə iki məsələnin – Milli Məclisin 2024-cü ilin payız sessiyası dövründə Regional məsələlər komitəsində görülən işlər barədə hesabatının və komitənin 2025-ci ilin yaz sessiyası üçün iş planının layihəsinin daxil edildiyini söyləyib.
Komitə sədri deyib ki, 2024-cü il ölkəmiz üçün uğurlu, nailiyyətlərlə zəngin bir il olub. Ötən ildə ölkənin iqtisadi gücünün artması, əhalinin sosial rifahının yaxşılaşması, regionların inkişafı istiqamətlərində tədbirlər uğurla davam etdirilib.
Sonra S.Novruzov gündəliyin birinci məsələsi olan Milli Məclisin 2024-cü ilin payız sessiyası dövründə Regional məsələlər komitəsində görülən işlər barədə hesabatı diqqətə çatdırıb.
Bildirilib ki, komitənin ötən sessiya ərzində 6-sı onlayn olmaqla 9 iclas keçirilib, 10 məsələyə baxılıb. Qeyd olunub ki, ötən sessiya dövründə vətəndaşlardan komitənin ünvanına daxil olan 52 elektron, 46 kağız formatda müraciətə baxılaraq müvafiq tədbirlər görülüb. Komitə sədri vətəndaşlardan ümumilikdə komitə üzvlərinə ünvanlanmış 738 müraciətlə bağlı da məlumat verib.
Komitənin 2025-ci ilin yaz sessiyası üçün iş planı ilə bağlı diqqətə çatdırıb ki, növbəti sessiyada qanunvericilik təşəbbüsü qaydasında təqdim olunan qanun layihələrinin müzakirəsi, dinləmələrin keçirilməsi və digər məsələlər nəzərdə tutulub.
Müzakirədə komitə üzvləri Məzahir Əfəndiyev, Aydın Mirzəzadə, Arzuxan Əlizadə, Kamran Bayramov çıxış ediblər. Deputatlar bələdiyyələrin fəaliyyəti, onların işinin səmərəliliyinin artırılması, regional idarəetmənin təkmilləşdirilməsi, ölkəmizin qarşısında dayanan müasir çağırışlar və digər aktual məsələlərlə bağlı fikirlərini bölüşüblər.
İclasda komitənin 2024-cü ilin payız sessiyası dövründə görülən işlər barədə hesabatı qənaətbəxş hesab olunub, 2025-ci ilin yaz sessiyası üçün iş planı təsdiqlənib.
Rəylər
0 Rəy