15-03-2024 , 19:34
1583
RİH-lərin ləğvi zəruriətə çevrilsə də...
18-08-2025
Azərbaycan arxeologiyasının mərifət zirvəsi
17-08-2025
Yüklənir...
Ağsu rayonu Gəgəli bələdiyyəsi
04-09-2023
Gəncə şəhəri Nizami bələdiyyəsi
08-04-2023
07-04-2023
07-04-2023
06-04-2023
06-04-2023
06-04-2023
06-05-2025
16:27
18-11-2024
21:35
25-10-2024
22:08
17-10-2024
09:05
+
Azərbaycan Bələdiyyələrinin Milli Assosiasiyalarının, İqtisadiyyat Nazirliyinin, Ədliyyə Nazirliyinin nümayəndələri və bələdiyyə sədrlərinin iştirakı ilə görüş keçirilib
Azərbaycan Bələdiyyələrinin Milli Assosiasiyalarının (ABMA) təşkilatçılığı ilə 14 mart 2024-cü il tarixdə İqtisadiyyat Nazirliyinin Əmlak Məsələləri Dövlət Xidmətinin (ƏMDX), Ədliyyə Nazirliyinin Bələdiyyələrlə İş Mərkəzinin, Azərbaycan Bələdiyyələrinin Milli Assosiasiyalarının əməkdaşları, həmçinin Bakı və regionlardan dəvət olunmuş bələdiyyə və QHT sədrlərinin iştirakı ilə “Bələdiyyə mülkiyyətinin tanıdılması sahəsində mövcud problemlər və onların həlli yolları” mövzusunda qarşılıqlı diskusiya və müzakirələr formatında tədbir keçirilib. Tədbiri giriş sözü ilə açan ABMA-nın əlaqələndirici koordinatoru Aydın Muradov Milli Assosiasiyalarının təşəbbüsü ilə keçirilən tədbirin vacibliyini, xüsusilə bələdiyyə torpaqlarının ayrılması və sənədləşdirilməsinə dair mövcud problemlərin müzakirəsinin öndə duran aktual məsələlərdən olduğunu diqqətə çatdırdı. O, qeyd etdi ki, Azərbaycan Bələdiyyələrinin Milli Assosiasiyaları mütəmadi olaraq bələdiyyələrlə qarşılıqlı fəaliyyətdə olarkən yerlərdən bu istiqamətdə çoxsaylı problemlərin aradan qaldırılması ilə bağlı müraciətlər olur. Qeyd olunanlar bugünkü müzakirələrin təşkilini zəruri etmişdir.
Əmlak Məsələləri Dövlət Xidmətindən gələn nümayəndə heyətinin rəhbəri, şöbə müdiri İlqar Həbiyev, Ədliyyə Nazirliyinin Bələdiyyələrlə İş Mərkəzinin baş məsləhətçisi İsrafil Mustafayev, bələdiyyə sədrləri, QHT nümayəndələri və digər iştirakçılar mövzu ətrafında əhatəli müzakirələr apararaq mövcud problemləri təhlil etdilər, onların aradan qaldırılması yollarının araşdırılması istiqamətində təkliflər səsləndirdilər. İ.Həbiyev məlumat verərək bildirdi ki, mövcud problemlərin həlli məqsədi ilə bələdiyyələrə göstərilən xidmətlərin elektronlaşdırılması və bələdiyyə əmlakının tanıdılması sahəsində qanunvericiliyin təkmilləşdirilməsi ilə bağlı hazırda ƏMDX-də müvafiq tədbirlər görülməkdədir. Həmçinin bələdiyyələrlə əməkdaşlığın daha da artırılması məqsədilə müvafiq ərazi idarələrində “Bələdiyyə günləri”nin keçirilməsi nəzərdə tutulur.
Sonda bu istiqamətdə tədbirlərin davam etdirilməsi, qarşılıqlı əməkdaşlığın inkişafı, ABMA-nın təşəbbüsü ilə koordinasiyalı fəaliyyətin qurulması üçün işçi qrupun yaradılması, bələdiyyələrin qarşılaşdıqları problemlərin yerində araşdırılması və qısa müddətdə həll olunması prioritet məsələ kimi qarşıya qoyuldu.
Rəylər
0 Rəy