Təmraz Tağıyev: “Görüşdə Azərbaycan və Türkiyə arasında əlaqələrin müxtəlif sahələrdə inkişafından məmnunluq ifadə olunub”
Ulu öndər Heydər Əliyev ilində bələdiyyələrin fəaliyyətinin təkmilləşdirilməsi istiqamətində qardaş dövlətlərin yerli özünüidarəetmə orqanları və onların assosiasiyaları ilə təcrübə mübadiləsi aparılmasının mühüm əhəmiyyəti var. Bu məqsədlə bu gün videoformat şəklində
Ədliyyə Nazirliyi Bələdiyyələrlə İş Mərkəzinin və Azərbaycan Bələdiyyələrini Milli Assosiasiyasının birgə təşkilatçılığı və Türk Dünyası Bələdiyyələr Birliyinin, habelə Şimalı Kipr Cumhuriyyətini təmsil edən bələdiyyələrin iştirakıyla videokonfrans keçirilib. Bu barədə məlumatı Azərbaycan Şəhər Bələdiyyələri Milli Assosiasiyasının və Nərimanov Bələdiyyəsinin sədri Təmraz Tağıyev bildirib.
Sədrin sözlərinə görə, görüşdə Azərbaycan və Türkiyə arasında əlaqələrin müxtəlif sahələrdə inkişafından məmnunluq ifadə olunub, hər iki ölkədə yerli özünüidarəetmənin təşkili, fəaliyyəti və inkişaf xüsusiyyətlərinə dair faydalı fikir mübadiləsi aparılıb, habelə Ulu öndər Heydər Əliyevin ölkəmizin bələdiyyə sisteminin formalaşmasında və inkişafındakı rolu barəsində ətraflı danışılıb , o cümlədən yaxşı təcrübə mübadiləsi aparılıb.
Sonda qarşılıqlı maraq doğuran suallar cavablandırılıb və bu səpgidə olan görüşlərin davam etdirilməsinin zəruriliyi vurğulanıb.
Rəylər
0 Rəy