Mehdiabad qəsəbə inzibati ərazi dairəsi üzrə nümayəndəsi həbs edilibMehdiabad qəsəbə inzibati ərazi dairəsi üzrə nümayəndəsi həbs edilib

Belediyye.info “Report"a istinadən xəbər verir ki, Abşeron Rayon İcra Hakimiyyətinin vəzifəli şəxsi həbs edilib. Məlumatda bildirilir ki, Baş Prokurorluğun Mətbuat xidmətinin yaydığı məlumatda qeyd edilirki, ki, Abşeron Rayon İcra Hakimiyyəti başçısının Mehdiabad qəsəbə inzibati ərazi dairəsi üzrə nümayəndəsi Əli Həsənovun qanunsuz əməlləri ilə bağlı keçirilən əməliyyat-axtarış tədbirləri çərçivəsində Baş prokuror yanında Korrupsiyaya qarşı Mübarizə Baş İdarəsində cinayət işi başlanıb. İstintaq zamanı Əli Həsənovun Mehdiabad qəsəbəsində yerləşən kənd təsərrüfatı təyinatlı torpaq sahələrində fərdi yaşayış evlərinin tikintisinə icazələrin, müxtəlif məzmunlu arayışların verilməsi və ümumi himayədarlıq müqabilində çoxsaylı vətəndaşlardan rüşvət almasına əsaslı şübhələr müəyyən edilib. Əli Həsənova Cinayət Məcəlləsinin 308.1 (vəzifə səlahiyyətlərindən sui-istifadə) və 311.3.2-ci (təkrar rüşvət alma) maddələri ilə ittiham elan edilməklə, barəsində məhkəmənin qərarı əsasında həbs qətimkan tədbiri seçilib. İbtidai istintaq davam etdirilir.

Belediyye.infonun əldə etdiyi məlumata görə, həbs qətimkan tədbiri seçilən Əli Həsənov Abşeron RİH-ə Zakir Fərəcovun icra başçısı vəzifəsində çalışdığı dövrdən rayonda bir sıra məsul vəzifələrdə çalışıb.   Mehdiabad qəsəbə inzibati ərazi dairəsi üzrə nümayəndəsi vəzifəsinə təyinatdan əvvəl isə Digah qəsəbəsində eyni vəzifəni icra edib. 

Belediyye.info