Ümumilli Lider Heydər Əliyevin 100 illik yubileyinə təsadüf edən 2023-cü il  əlamətdar hadisələrlə zəngin olmuşdur.Bildiyimiz kimi ölkə daxilində və ölkə xaricində Ulu Öndərin xatirəsinə həsr edilən bir çox tədbirlər yüksək səviyyədə  təşkil edilərək keçirilmişdir.Lakin, bu yubileyə ən böyük töhvə müzəffər Ali Baş Komandan İlham Əliyevin  rəhbərliyi ilə Azərbaycanın Ərazi bötüvlüyünün təmin olunması  idi.

Məlumat üçün qeyd edim ki,Səbail bələdiyyəsi öz işini  Azərbaycan Respublikası Konstitusiyasına, ölkə Prezidentinin  Fərman və Sərəncamlarına və  digər aidiyyəti qanunlara uyğun  olaraq qurmuşdur.Bununla yanaşı Ədliyyə Nazirliyi Bələdiyyələrlə İş Mərkəzinin tövsiyələri digər bələdiyyələrdə olduğu kimi Səbail bələdiyyəsində də  öz töhvəsini vermişdir.

Bələdiyyə seçkilərinin 5-ci çağırış seçkilərindən artıq 3 il 10 ay keçir.Ötən bu müddətdə Səbail Bələdiyyəsi olaraq inzibati ərazidə sakinlərin problemlərini öyrənərək, onların qayğıları bələdiyyənin imkanları daxilində təmin edərək, bələdiyyə-vətəndaş münasibətləri formalaşdırmağa çalışırıq.

Bildiyimiz kimi bələdiyyələrin qarşısında duran vəzifələrin yerinə yetirilməsi üçün yerli büdcənin formalaşması əsas şərtdir.Bələdiyyələr özünüidaretmə orqanı olaraq öz büdcələrini qanunvericiliklə müəyyən edilmiş vergilər, ödənişlər və digər gəlirlərlə formalaşdırırlar.

Fəaliyyətə başladığım ilk illərdə Səbail bələdiyyəsində uçota alınan torpaq və əmlak vergisi üzrə  obyektlərin  sayı 10.482 olmuş, lakin Ədliyyə Nazirliyi Bələdiyyələrlə İş Mərkəzinin bu sahədə tövsiyələri, göstərdiyi əməli və metodiki köməkliklər sayəsində kənarda qalan vergi obyektləri də uçota alınaraq, artıq 2023-cü ilin hazırki dövrünə 15.000-ə yaxın vergi obyekti  qeydiyyata alınmışdır.

Belə ki, qanunvericiliyə uyğun olaraq Ədliyyə Nazirliyi Bələdiyyələrlə İş Mərkəzini tərəfindən verilmiş tövsiyələr həmçinin, əlaqəli işlərin aparılması nəticəsində vergi işçiləri tərəfindən həvəslə səy göstərilmiş və bələdiyyə büdcəsinə maliyyə vəsaitinin  artımına nail olunmuşdur.

Məsələn, 2020-ci il üzrə yerli vergilər və mehmanxana, santoriya-kurort xidmətləri  göstərən şəxslərdən alınan ödənişlər üzrə bələdiyyə büdcəsinin gəlirləri əvvəlki dövrlərə nisbətdə 2 dəfə artmışdır.Bununla bağlı deyə bilərəm ki, bələdiyyə büdcəsinin gəlirləri  2020-ci ildə 447533 manat olmuşdusa bu göstərici ilbəil artaraq  2021-ci ildə 676175 manat, 2022-ci ildə 932076 manat, 2023-cü ilin hazırki dövrünədək 962297 manata çatdırılmışdır.Yerli büdcənin gəlirlərinin artımının davamlılığı üçün və bələdiyyə fəaliyyətində şəffaflığın təmin edilməsi məqsədilə mütəmadi olaraq vətəndaşlarla səyyar görüşlər keçirilir, bu zaman onlarla maarifləndirmə və təşviqat işləri aparılır.Həmçinin braşürlar çap edilərək  sakinlərlərə paylanılır.

Təbii ki, gəlirlərin artımı səbəbilə Səbail bələdiyyəsi tərəfindən görüləcək işlərin miqyası böyümüş, bu səbəbdən də 2020-ci ildə təmir, abadlıq, quruculuq və ümumilikdə sosial məsələlər istiqamətində  141.909 manat olan göstərici, 2021-ci ildə 55.897 manat, 2022-ci ildə 231.379 manat, 2023-cü ilin hazırki dövrünədək 231.187 manat olmuşdur.

Bələdiyyəmiz tərəfindən sosial məsələlərə, o cümlədən, aztəminatlı ailələrə, xüsusilə şəhid və qazi ailələrinə daha çox diqqət yetirilmişdir.Belə ki, Səbail bələdiyyəsi tərəfindən 2-ci Qarabağ müharibəsində şəhidlik zirvəsinə ucalmış qəhrəmanlarımızın xatirəsinin əbədiləşdirilməsi ilə əlaqədar yaşadıqları küçələr abadlaşdırılmış, baralyefləri və xatirə lövhələri vurulmuş, ailələri ilə mütəmadi olaraq əlaqə saxlanılaraq, onların ehtiyaclarını qarşılamaq üçün operativ şəkildə tədbirlər görülmüşdür. Bundan başqa fəaliyyət dövrümüzdə Səbail bələdiyyəsinin inzibati ərazisində yaşayan  şəhid  və qazi ailələrinə,aztəminatlı və əhalinin həssas təbəqəsinə tərəfimizdən milli bayramlar  və əlamətdar tarixi günlərdə ərzaq sovqatları və maddi yardımlar edilmişdir.

Səbail bələdiyyəsi tərəfindən ən çox diqqət yetirilən məsələlər sırasında  abadlıq-quruculuq işlərini, uzun illər ərzində yığılıb qalan problemlərin içərisində məhəllə arası yolların asfaltlaşdırılmasını xüsusi ilə qeyd etməliyəm.Sakinlərin müraciətləri əsasında ərazidə olan məhəllələrin bu problemləri imkan daxilində tərəfimizdən həll edilmiş, yollar asfaltlanaraq, ətrafı abadlaşdırılmışdır. Ümumilikdə Səbail bələdiyyəsinin inzibati ərazisində 2023-cü ilin 10 ayı ərzində 10-dan çox küçələrin, məhəllələrin, yolların, məktəblərin ərazisində təmir-tikinti işləri aparılmışdır.

Qeyd edim ki, Səbail bələdiyəsinin nəzdində yaradılmış  Analitik -İnformasiya və Araşdırmalar Mərkəzi MMC-nin tərkibində yaradılmış tədris mərkəzində bələdiyyənin inzibati ərazisində yaşayan şəhid, qazi ,aztəminatlı ailələrin övladlarına ödənişsiz kurslar təşkil olunmuşdur.

Xüsusilə qeyd etməliyəm ki, 2022-ci ildə Səbail bələdiyyəsi Respublika Bələdiyyələri arasında  Avropa İttifaqı və BMT nin İnkişaf Proqramı çərçivəsində Azərbaycanda “İqtisadi İnkişafı dəstəkləyən Bələdiyyə sədrləri” Proqramında yeganə şəhər bələdiyyəsi olaraq “İkinci nəfəs “adlı sosial layihə ilə qalib olmuşdur.Layihəmizin əsas məqsədi -cəzaçəkmə müəsissələrində azadlıqdan məhrum olmuş  qadınların cəza müddəti bitdikdən sonra onları proqram çərçivəsində yaradılmış “İkinci nəfəs”adlı tədris mərkəzinə cəlb edərək, cəmiyyətə yenidən adaptasiyası və hər hansı bir peşə biliklərinə sahib olmaqla işlə təmin olunmalarına  yardımcı olmaqdır.

Və sonda bildirmək istəyirəm ki, Səbail bələdiyyəsi olaraq daima seçicilərimizin yanındayıq, onların sosial rifahının yaxşılaşdırılması üçün bundan sonrada Səbail bələdiyyəsi komandası olaraq əlimizdən gələni əsirgəməyəcəyik.

 Hacı Əliyev

Səbail Bələdiyyəsinin sədri