Bu qəsəbə bələdiyyəsinin üzvlüyünə namizədlərin seçicilərlə görüşü davam edir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Binəqədi rayonu, M.Ə.Rəsulzadə bələdiyyəsi üzrə Yeni Azərbaycan Partiyasının (YAP) namizədlərinin qəsəbənin Arif Hüseynov küçəsində seçicilərlə görüşü keçirilib.
Görüşlərdə YAP-ın M.Ə.Rəsulzadə bələdiyyəsi üzrə namizədləri yanvarın 29-da bələdiyyə seçkilərinin tam şəffaf və demokratik şəraitdə keçirilməsinə hər cür şərait yaradıldığını bildiriblər.
Görüşlərdə həmçinin ölkəmizdə bələdiyyələrin yaranma tarixi, ötən dövr ərzindəki fəaliyyətləri barədə seçicilərə ətraflı məlumat verib.
Görüşlərdə çıxış edən bələdiyyə üzvlüyünə namizədlər Hümbət Hüseynov, Ayər Nağıyev, Leyli Tahirova və digərləri seçiciləri bələdiyyə seçkilərində fəal olmağa, bu günün və gələcəyin partiyası olan Yeni Azərbaycan Partiyasının namizədlərinə səs verməyə çağırıblar.
Rəylər
0 Rəy