Mart ayının 14-ü Sumqayıt Bələdiyyəsinin  təşkilatçılığı ilə  “Məişət zorakılığının qarşısının alınması və onunla mübarizə" mövzusunda Kimyaçılar qəsəbəsi,Maralgöl ərazisində yüksək risk qrupuna daxil olan qadınlarımızla maarifləndirmə tədbiri keçirilmişdir.

Tədbiri giriş sözü ilə açan Sumqayıt Bələdiyyəsinin Gender Bərabərliyi komisiyasının sədri Nərmin Mehdiyeva məişət zorakılığının subyektləri, cəmiyyətdə və məişətdə qadın zorakılığı, zorakılığın formaları, erkən və məcburi nikah barədə ətraflı məlumat verərək bildirib ki, məişət zorakılığına məruz qalanlar əsasən, qadın və uşaqlardır. Bu gün dünyanın ən mühüm problemlərindən biri olan məişət zorakılığının qarşısının alınması üçün güclü qanunvericilik və dövlət dəstəyi ilə yanaşı, cəmiyyət özü, xüsusilə vətəndaş cəmiyyəti zorakılıq hallarına adekvat reaksiya verməlidir. 

Öz çıxışlarında Sumqayıt Bələdiyyəsinin Gender Bərabərliyi komisiyasının üzvləri  Sumqayıt Bələdiyyəsinin 30-cu məhəllə üzrə 1 saylı məhəllə komitəsinin sədri İndira Şəmsivari,Sumqayıt Bələdiyyəsinin Kimyaçılar qəsəbəsi Maral Göl üzrə məhəllə komitəsinin sədri Solmaz Zeynəddinova azyaşlı qızların təhsilə cəlb edilməsinin, erkən nikahla mübarizədə ciddi ictimai qınağın və sərt cəza tədbirlərinin həyata keçirilməsinin vacibliyini qeyd ediliblər.Məişət zorakılığının qarşısının alınması, məişət zorakılığı qurbanlarının dövlət tərəfindən qorunması və zorakı şəxslərin cəzalandırılmasını, yaxud məhdudlaşdırılmasını tələb etmək aparılan mübarizənin tərkib hissəsidir.