19-02-2025 , 19:48
968
Yüklənir...
Ağsu rayonu Gəgəli bələdiyyəsi
04-09-2023
Gəncə şəhəri Nizami bələdiyyəsi
08-04-2023
07-04-2023
07-04-2023
06-04-2023
06-04-2023
06-04-2023
18-11-2024
21:35
25-10-2024
22:08
17-10-2024
09:05
24-06-2024
17:06
+
Vüqar Tofiqli: Qanunda boşluqlar var, ona görə də bələdiyyələr də ciddi problemlərlə üz-üzə qalır
Azərbaycanda bələdiyyələrin qiymətləndirməyə dair səlahiyyəti ləğv edilir.
Bununla bağlı "Qiymətləndirmə fəaliyyəti haqqında" qanuna dəyişiklik edilməsi təklif olunur.
Sənəd Milli Məclisin Hüquq siyasəti və dövlət quruculuğu komitəsinin bugünkü iclasında müzakirə edilib.
Dəyişikliklə bələdiyyə mülkiyyətində olan torpaq sahələri fərdi yaşayış evinin tikintisi üçün bilavasitə satıldıqda onların qiymətləri, habelə hərraca və ya müsabiqəyə çıxarılan bələdiyyə mülkiyyətində olan torpaqların ilkin qiyməti normativ qiymətdən az olmamaq şərti ilə bazar məzənnələri nəzərə alınmaqla, "Qiymətləndirmə fəaliyyəti haqqında" Qanuna uyğun olaraq müəyyən ediləcək.
Hazırda bu qiyməti yerli özünü idarəetmə orqanları müstəqil şəkildə müəyyən edir.
"Bələdiyyələrin fəaliyyətinin təbliği” İctimai Birliyinin sədri Vüqar Tofiqli "Sherg.az"a söyləyib ki, sözügedən qanuna dəyişiklik edilməsi bələdiyyələrin hər hansı səlahiyyətinin azaldılmasına yönəlməyib:
"Əsas müzakirə mövzusu bələdiyyələrin büdcə gəlirlərinin tənzimlənməsinə yönəlmiş addımdır. Yəni bələdiyyənin öz mülkiyyətində olan əmlakın satışı zamanı çox ucuz yox, normativ hüquqi sənədlər əsasında Hərrac komissiyasının son qiymətlərinə uyğun dəyərləndirilməsi nəzərdə tutulur. Bu mənada istər Hərrac komissiyasında, istərsə də digər satış bazarlarında məbləği bələdiyyə özü təyin etmir. Çünki bununla bağlı qanunvericilikdə də müəyyən məqamlar var ki, bu, sonuncu hərracın qiymətindən aşağı olmamalıdır. Həmçinin bu gün Ədliyyə nazirliyinin Bələdiyyələrlə iş baş idarəsi və regional idarələri məhz həmin istiqamətdə ciddi addımlar atıblar. Bu isə büdcə gəlirlərində müəyyən artımların olması məhz nazirliyin müvafiq qurumlarının yaranmasına gətirib çıxardı".
Ekspertin sözlərinə görə, əsas məqsəd "Qiymətləndirmə fəaliyyəti haqqında" qanunun həm texniki məsələlər, həm də tənzimlənmə baxımından təkmilləşdirilməsidir:
"Düşünürəm ki, nəticədə bələdiyyələrin büdcə gəlirləri də artacaq. Digər tərəfdən bu yaxınlarda Ədliyyə nazirliyinin hesabatı dinlənildi. Minlərlə hektar torpaq sahəsində qanunsuzluqlar meydana çıxdığı üçün bələdiyyəyə geri qaytarıldı. Ümumiyyətlə bu cür dəyişikliklərin edilməsi bələdiyyə ilə bağlı digər qanunvericilik aktlarında da həyata keçirilsə, daha məqsədəuyğun olar. Çünki hazırda bu istiqamətdə qanunda müəyyən qədər boşluqlar var. Ona görə də bələdiyyələr də ciddi problemlərlə üz-üzə qalır".
https://sherg.az/sosial/292852
Rəylər
0 Rəy