Belediyye.info 2015-ci ilin may ayının 25-i tarixindən fəaliyyətdədir.

04-11-2023 , 18:28

Ən çox oxunanlar

Bu gün Bu həftə Bu ay
Gündəlik Xəbərlər
- +

İmişli regional ədliyyə idarəsi şəhid ailələri ilə görüşdə iştirak edib 

Vətən uğrunda şəhid və qazi olmuş, eləcə də müharibədə iştirak etmiş bütün igidlərimizin qəhrəmanlıqlarını unutmamaq və bu tarixi yaşatmaq məqsədilə İmişli regional ədliyyə idarəsinin böyük məsləhətçisi Rafiq Məhəddinov və böyük mütəxəssis Bəxtiyar Əliyev yurisdiksiya üzrə Beyləqan rayonu, Sarısu bələdiyyəsi ərazisində şəhid ailələri ilə görüşdə iştirak etmiş, şəhidlərin əziz xatirəsinə tikilmiş xətirə kompleksini ziyarət etməklə onların ruhu qarşısında öz ehtiramlarını göstərmişlər.

Hər kəs kimi bizim kollektiv tərəfindən də daim şəhid ailələri və qazilərlə görüşlər keçirilmiş, onların qayğıları ilə maraqlanılmış, səsləndirdikləri fikirlərə diqqətlə və həssaslıqla yanaşılmışdır.

Bunlarla yanaşı il ərzində “Şəhidlər Xiyabanı” ziyarət edilir, eləcə də regional idarə tərəfindən inzibati binamızda İmişli regional ədliyyə idarəsinin yurisdiksiyası üzrə yerli ədliyyə qurumları əməkdaşlarının da iştirakı ilə mütamadi keçirilən tədbirlərdə ədliyyə şəhidi Ruhin Xəlilovun və bütün şəhidlərimizin əziz xatirəsi daim yad olunur.  

Bundan əlavə regional idarənin kollektivi şəhidlərin xatirəsini əbədi tutmaq məqsədilə regional idarənin inzibati binasının önündə fəvvarə inşa etmiş və bir daha şəhidlərin ruhu qarşısında öz ehtiramımızı nümayiş etməklə şərəf duyuruq.

Allah bütün şəhədlərimizə rəhmət eləsin!

İMİŞLİ REGİONAL ƏDLİYYƏ İDARƏSİ