“Nərimanov rayonunda bu günlərdə açılışı həyata keçirlən “Cümə” məscidinin  bu gün Nərimanov  bələdiyyəsinin balansına verilməsiylə bağlı təhvil-təslim  prosesi başa çatıb” – bu fikirləri Belediyye.infoya adıçəkilən Azərbaycan Şəhər Bələdiyyələri Milli Assosiasiyasının və Nərimanov bələdiyyəsinin sədri Təmraz Tağıyev bildirib.

Sədrin sözlərinə görə, çox yüksək səviyyədə və müasir tələblərə uyğun şəkildə əsaslı təmir edilərək  müqəddəs Razaman bayramı günlərində dindarların və inanclı insanların istifadəsinə verilməsi əlamətdar bir hadisədir.

Sədr bildirib ki, bu gün multikultural ənənələri qoruyub saxlayan Azərbaycanda müxtəlif dinlərin, o cümlədən İslam dini abidələrinin qorunmasına xüsusi diqqətlə yanaşılır. Son dövrlərdə yeni məscidlərin tikilməsi və ya əsaslı təmiri də bu yanaşmanın təzahürüdür.

Hazırda Cümə məscidinin bələdiyyənin balansına verilməsi isə yerli özünidarəetmə orqanlarına olan həm də böyük etimaddır. Nərimanov bələdiyyəsi olaraq bu etimadi doğrultmaq üçün bütün qüvvələrimizi səfərbər edəcəyik.

Əlavə olaraq məsciddə tələb olan avadanlıqların alınması və məscid kitabxanasının daha da zənginləşdirilməsi üçün bələdiyyə icaslının qərarıyla bir sıra adıdmların atılması qərara alınıb.

Qeyd edək ki, bu gün bələdiyyə sədrinin həmdə məscidə  təyinat alan imamlarla - Ceyhun  Rüstəmov və Araz Abdullayevlə görüşləri olub. Görüşlərdə bələdiyyə sədri məscidin gələcək fəaliyyətiylə bağlı öz tövsiyələrini vermiş və  imamlara  gələcək fəaliyyətində uğurlar arzulamışdır.  

Xəbər verildiyi kimi aprelin 20-də Bakının Nərimanov rayonunda dövlətimizin başçısının təşəbbüsü ilə aparılan əsaslı təmir və rekonstruksiyadan sonra “Cümə” məscidinin açılışı olub. Açılışda Azərbaycan Prezidenti İlham Əliyev və birinci xanım Mehriban Əliyeva tədbirdə iştirak ediblər.

Qeyd edək ki, "Cümə" məscidi 1998-ci ildən fəaliyyətə başlayıb. İllər ötdükcə bina tədricən qəzalı vəziyyətə düşüb. Prezident İlham Əliyevin təşəbbüsü ilə 2021-ci ildə bu məsciddə əsaslı təmir və yenidənqurma işlərinə başlanılıb. İşlər yüksək səviyyədə həyata keçirilib və bu ilin aprel ayında başa çatdırılıb.

Hazırda eyni vaxtda 600-ə yaxın insanın ibadət edə biləcəyi məscidin birinci mərtəbəsi kişilər, ikinci mərtəbəsi isə qadınlar üçün nəzərdə tutulub.

Belediyye.info