Suleyman Mikayılovu bu şəxs əvəz edəcək
Qaradağ RİH-in başçısı səlahiyyətini müvəqqəti icra etmək RİH başçısının birinci müavini Emil İlqar oğlu Abbasova həvalə edilib. Bu barədə məlumatı Qaradağ RİH-ə yaxın mənbə bildirib. Emil Abbasov uzun illərdir ki, icra strukturu sistemində çalışır.
Qeyd
edək ki, 4 mart 2010-cu il tarixli
Qaradağ Rayon İcra Hakimiyyətinin başçısı təyin edilən Süleyman Mikayılov ölkə başçısının digər bir Sərəncamı ilə 30
yanvar 2026-cı ildə tutduğu vəzifədən azad edilib.
Qeyd
edək ki, bir müddət əvvəl prokurorluq Qaradağ Rayon İcra Hakimiyyətində əməliyyat
keçirib. Əməliyyat nəticəsində icra başçısının yaxın kadrlarından biri-müavini
Nadir Muradov və digər vəzifəli şəxslər həbs edilib. Onlar külli miqdarda rüşvət
almaqda ittiham olunurlar.
Son məlumatlara
görə Süleyman Mikayılovun vəzifədən azad edilməsində də həmin əməliyyat mühüm
rol oynayıb. İddia olunur ki, həbs edilən məmurlar ifadələrində qanun
pozuntuları ilə bağlı icra başçısının adını çəkiblər.
Xatırladaq
ki, Süleyman Mikayılov 2005-ci ildə Yardımlı Rayon İcra Hakimiyyətinin başçısı,
2005–2010-cu illərdə isə Lənkəran Şəhər İcra Hakimiyyətinin başçısı vəzifələrində
çalışıb.
Hazırda Qaradağ RİH-də altı məsul vəzifə vakantdır: iki müavin: Başçının müavini – Ərazi-təşkilat və ictimai-siyasi məsələlər şöbəsinin müdiri, Başçının müavini – Sosial-iqtisadi və memarlıq-tikinti məsələləri şöbəsinin müdiri, iki sektor müdiri: ictimai-siyasi və humanitar məsələlər sektorun müdiri, Memarlıq-tikinti məsələləri sektoru müdiri və Sənəd dövriyyəsi, vətəndaş müraciətləri və inzibati işlər şöbəsinin müdiri.
Belediyye.info
Rəylər
0 Rəy