"Badamdar bələdiyyəsi son beş il ərzində büdcə gəlirlərinin həcmini iki dəfəyədək artıra bilib"- bu fikirləri adıçəkilən bələdiyyənin sədri Təzəxan Məmmədov bildirib.

Sədr bildirib ki, əgər 2019-cu il üzrə  cəmi  201.598  manat, ondan əmlak vergisi 179.178  manat, 2020-ci il üzrə cəmi 195.748 manat,  ondan əmlak vergisi üzrə 176.961 manat,  2021-ci il üzrə cəmi   270.302 manat, ondan əmlak vergisi üzrə 246.899 manat, 2022-ci il üzrə cəmi 351.609 manat, ondan əmlak vergisi üzrə 321.213 manat, 2023-cü il üzrə cəmi 412.600 manat, o cümlədən əmlak vergisi üzrə 373.379 manat,  nəhayət 2024-cü il üzrə birinci yarım il üzrə  cəmi 225.990 manat, ondan  əmlak vergisi üzrə 212.208 manat əldə edilib.

Göründüyü kimi, bələdiyyənin vergi xidmətinin fəaliyyəti öz bərhəsini verib. 

Sədr xatırladıb ki, bütün hallarda bələdiyyədə vergi-uçot sistemi düzgün şəkildə qurulubsa, sakinlər arasında maarifləndirmə işləri aparılıbsa, ilin yekununda görülən işlər öz bəhrəsini verəcəkdir. 

Əldə olunan vəsait isə qəsəbədə aparılan abadlıq-quruculuq işlərinə xərclənməkdədir. 

Bununla yanaşı Badamdar bələdiyyəsi tərəfindən 2020-2023-cü illər ərzində Azərbaycanın ərazi bütövlüyü uğrunda  canlarını qurban vermiş Şəhid adlarının əbədiləşdirilməsi istiqamətində geniş işlər görülmüşdür. Badamdar  qəbiristanlığında 11 şəhidin  məzərüstü abidəsi, 3 şəhidin məzarüstü abidəsinin ətrafı abadlaşdırılmışdır, yaşadığları evin önündə 14 şəhidin barelyefi, 3 şəhidin vinil lövhəsi,  təhsil aldıqları məktəbin həyətində 3 şəhidin barelyefi, şəhidlərin adı verilən küçələrdə 3 şəhidin xatirə lövhəsi vurulmuşdur. Şəhid ailələrinin müraciətinə əsasən 3 şəhid ailəsinin evi təmir olunmuşdur. Bir şəhidin adına bulaq açılmışdır.  Badamdar qəsəbəsi, 239 saylı tam orta məktəbin həyətində “Şəhid Məzunlarımız" abidə kompleksi yaradılıb.