Belediyye.info 2015-ci ilin may ayının 25-i tarixindən fəaliyyətdədir.

26-03-2024 , 18:35

Ən çox oxunanlar

Bu gün Bu həftə Bu ay
Bakı
- +

Mətləb Əliyev:  “Bələdiyyələrin inkişafına söykənən layihələrin davamlı şəkidlə həyata keçirilməsini gözləyirik”


“Azərbaycan bələdiyyələrinin bu il fəaliyyətinin iyirmi beşinci il tamam olur. Bir çox problemlərlə üz-üzə qalsalar da, hazır da bir struktur olaraq mövcudluğunu qorumaqla, yanaşı bələdiyyələr inkişaf etməyi bacarıb”- bu fikirləri Xəzər rayonu Buzovna Bələdiyyəsinin sədri Mətləb Əliyev  Belediyye.infoya açıqlamasında bildirib.

Hər bir bələdiyyə üzvü və qulluqçusu yaxşı bilir ki, ölkəmizdə bələdiyyə sistemi Ulu öndər Heydər Əliyevin yadigarlarından biridir. Bu sistemin fəlsəfəsiylə bağlı bütün məqamların müəllifi məhz ulu öndərdir. Belə olan halda bir çox hallarda fəaliyyətimizə problem yaradılsa da, biz ruhdan dəşməyərək daha böyük uğurlara imza atmağa çalışırıq.

Büdcə gəlirlərində artım olmaqla yanaşı, həyata keçirilən layihələrin icrasında da ciddi irəliləyişlər vardır. Bununla yanaşı şəhid və qazi ailələrinə maddi və mənəvi dəstəyin göstərilməsində daim RİH-lərlə bərabər bələdiyyələrdə öz töhfəsini verməkdədir. Bizim rəhbərlik etdiyimiz Buzovna bələdiyyəsində də bir qazini işlə təmin etməklə yanaşı, mütəmadi olaraq ərazidə yaşayan qazi və şəhid ailələriylə görüşlər keçirir, onların sosial-məişət qayğılarıyla maraqlanaraq, həlliylə bağlı addımlar atırıq.  

Sədr qeyd edib ki, bələdiyyənin hər hansı  nailiyyətə imza atması həm də bələdiyyə sədrinin, üzvlərin və qulluqçuların tutduğu mövqedən çox asılıdır. Bütün hallarda fikirlərin üst-üstə düşməsi nəticə etibariylə uğurun başlanğıcı hesab edilir.

Cari ildə keçiriləcək seçki ilində bizim qarşılaşdığımız problemlərin bundan sonrakı həllində  də müəyyən irəliləyişlərin olacağına ümid edir və inanırıq.

Bələdiyyələrin birləşdirilməsiylə bağlı atılan addımlar, BAMS proqramının Əmlak məsələləri Dövlət xidmətinin  məlumat bazasına inteqrasiya edilməsi bu istiqamətdə atılan addımlar sırasındadır. Hər halda istər Adminstrasiyanın bələdiyyələrlə iş sektorunun, habelə Bələdiyyələrlə iş mərkəzinin bu istiqamətdə həyata keçirdiyi layihələri təqdirəlayiq hesab edirik.

Sədr sonda qeyd edib ki, bələdiyyələrin inkişafına söykənən layihələrin davamlı şəkidlə həyata keçirilməsini gözləyir və inanırıq ki, bu addımlar bələdiyyələrin büdcə gərlirlərinin artmasına da müsbət təsir edəcəkdir. 

Belediyye.info

Rəylər

0 Rəy


Rəy yaz

Oxşar xəbərlər