Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Nərimanov rayonu, Nərimanov bələdiyyəsi üzrə Yeni Azərbaycan Partiyasının (YAP) namizədlərinin şəhid ailəsi və seçicilərlə görüşü keçirilib.

Nərimanov rayonu Z. Xəlil küçəsi 19/29 ünvanında yaşayan birinci Qarabağ müharibəsi zamanı qəhrəmancasına şəhid olmuş, milli qəhrəman Samir Xasıyevin ailəsi YAP Nərimanov rayon təşkilatının rəhbərliyi və YAP-ın namizədləri tərəfindən ziyarət olunub. Ziyarət zamanı YAP Nərimanov rayon təşkilatının sədri Elçin Quliyev, namizədlər Təmraz Tağıyev, Nizami Babaşov və təşviqat qrupunun üzvləri bildiriblər ki, 44 günlük Vətən müharibəsində Müzəffər Ordumuz düşmən tapdağı altında olan bütün ərazilərimizi işğaldan azad etməklə 30 illik yurd həsrətinə son qoydu və 2020-ci il müstəqil Azərbaycanımızın hərb tarixinə şanlı səhifə kimi yazıldı. Birinci Qarabağ müharibəsindən fəqrli olaraq Zəfərlə başa çatan ikinci Qarabağ müharibəsində Ali Baş Komandanın rəhbərliyi altında Azərbaycan Ordusunun əsgər və zabitləri, hərbçiləri döyüş meydanında əsl qəhrəmanlıq göstərərək bütün dünyaya sübut etdilər ki, Qarabağ Azərbaycandır!

   Milli Qəhrəman Samir Xasıyevin ailəsi şəhid və qazi ailələrinə göstərdikləri diqqət və qayğıya görə ölkə Prezidenti cənab İlham Əliyevə və Birinci vitse-prezident hörmətli Mehriban xanım Əliyevaya minnətdarlıqlarını ifadə edib

Eyni zamanda, Nərimanov rayonu, Z. Xəlil küçəsi 19/29 və Çaykovski küçəsi 2 ünvanlarında yaşayan seçicilərlə keçirilən görüşlərdə giriş sözü ilə çıxış edən YAP Nərimanov rayon təşkilatının sədr müavini Anar Abbasov bələdiyyə institutunun yerli demokratiyanın göstəricisi olduğunu bildirib. O, çıxışında ölkəmizdə bələdiyyələrin yaranma tarixi, ötən dövr ərzindəki fəaliyyətləri, dövlətimiz tərəfindən yerli özünüidaəetmə orqanlarına göstərilən dəstək barədə danışıb. A. Abbasov, həmçinin, yanvarın 29-da keçiriləcək bələdiyyə seçkiləri ilə əlaqədar  YAP-ın seçki proqramı haqqında ətraflı məlumat verərək bütün seçiciləri qalib partiyanın namizədlərinə səs verməyə çağırıb.

Görüşdə bələdiyyə üzvlüyünə namizəd olan Nizami Babaşov, Akif Vəliyev, Vüsal Cəfərli, Əliyar Həsənov, Aytən Yusifli və təşviqat qrupunun üzvləri çıxış edərək əsası Ulu Öndər Heydər Əliyev tərəfindən qoyulan, bu gün Müzəffər Ali Baş Komandan İlham Əliyev tərəfindən uğurla davam etdirilən daxili siyasət nəticəsində yerli özünüidarəetmə orqanlarının inkişafı istiqamətində mühüm addımlar atıldığını diqqətə çatdırıblar. Çıxışçılar bu sahədə görülən işlərdən, əhalinin rifah halının yaxşılaşdırılması naminə həyata keçirilən tədbirlərdən bəhs ediblər.

Görüşlər zamanı seçicilər YAP-nın fəaliyyətini dəstəklədiklərini və bələdiyyə seçkilərində partiyanın namizədlərinə səs verəcəklərini vurğulayıblar.

#Bələdiyyəseçkiləri #Seçki2025 #YAPNərimanov