“Bələdiyyələrin statusu haqqında” Azərbaycan Respublikasının Qanununun tələbinə uyğun olaraq, Mingəçevir Bələdiyyəsi 2024-cü ildəki fəaliyyəti barədə hesabatı ictimaiyyətə təqdim edir.

2024-cü ildə bələdiyyə 23 iclas keçirib. Daimi komissiyaların arayış və təklifləri ilə iclasların gündəliyinə 237 məsələ salınıb, məsələlərlə bağlı müvafiq qərarlar verilib. İclaslarda müzakirə olunmuş məsələlərdən 132-i icarəyə və mülkiyyətə torpaq sahələri ayrılması ilə, 9-u şəhərdə aparılan tikinti-abadlıq işlərinə, məhəllələrdə görülən işlərə və bir sıra başqa tədbirlərin keçirilməsinə maliyyə vəsaitinin ayrılması ilə, 19-u maddi yardımlarla, 77-i təşkilati və digər məsələlərlə bağlı olub.

Hesabat dövründə bələdiyyəyə 910 ədəd ərizə və məktub daxil olub. Bunlardan 71-i maddi yardımla, 126-ı sahibkarlıq fəaliyyəti ilə məşğul olmaq üçün və 140-ı fərdi yaşayış evi tikintisi üçün torpaq sahələri ayrılması ilə, 6-ı tikinti və təmir işləri, 567-i arayış və məlumatlar almaqla bağlı müraciətlər olub.

Maddi yardımla bağlı müraciət edənlərdən 21 nəfərə pul və material yardımları edilib, digərlərinə Qurban payı verilib. Sahibkarlıq fəaliyyəti ilə bağlı müraciət edənlərdən 31 nəfərinə mövsümi ictimai-iaşə, ticarət xidmətləri ilə məşğul olmaq üçün icazə verilib, 23 nəfərin icarəsinə, 7 nəfərin mülkiyyətinə torpaq sahələri ayrılıb. Fərdi yaşayış evi tikintisi üçün zəbt edilmiş torpaq sahələrinin mülkiyyətə verilməsi barədə bələdiyyə 21 nəfər üçün qərar verib. 

567 nəfər arayış və məlumatla bağlı müraciət edib və bu müraciətlər müsbət həll olunub. Digər müraciətlərə də “Vətəndaşların müraciətlərinə baxılması qaydası haqqında” Azərbaycan Respublikasının Qanununa müvafiq olaraq, vaxtında baxılıb, vətəndaşlara əsaslandırılmış cavablar verilib.

Hesabat dövründə bələdiyyəyə rəsmi orqanlardan 599 ədəd sənəd və məktub daxil olub. Onlardan 150-i Mərkəzi İcra Hakimiyyətlərindən, 107-i yerli İcra Hakimiyyətindən, 4-ü Milli Məclisdən, 492-i müxtəlif idarə və təşkilatlardan göndərilib. Məktublara qanunvericiliyin tələb etdiyi müddətdə cavablar verilib. Ədliyyə Nazirliyinin Bərdə Regional Ədliyyə İdarəsindən, Bələdiyyələrlə İş Mərkəzindən göndərilmiş tövsiyə, təlimat, məlumat xarakterli sənədlər, qanun və qaydalardan çıxarışlar istifadə üçün komissiya və şöbələrə verilib.

 2024-cü ildə bələdiyyənin gəlirləri 407887.19 manat olub. 01.01.2024-cü ilə ötən ildən 30937,53  manat xərclənməmiş vəsait qalıb.

Gəlirlər aşağıdakı mənbələrdən formalaşıb:

-             fiziki şəxslərdən torpaq vergisi 14468.78  manat;

-             fiziki şəxslərdən əmlak vergisi 21850.21  manat;

-             yerli əhəmiyyətli tikinti materialları üzrə mədən vergisi 1700.00  manat;

-             bələdiyyə tərəfindən xüsusi ayrılmış torpaq sahələrində mövsümi ictimai-iaşə və digər xidmətlərə görə ödəniş 10390.00  manat;

-             bələdiyyə ərazisində mehmanxana, sanatoriya-kurort və turizim xidmətləri göstərən şəxslərdən alınan ödəniş 3595.00 manat;

-             bələdiyyyə ərazisində müəyyən edilmiş yerlərdə bütün növ nəqliyyat vasitələrinin daimi və ya müvəqqəti dayanacaqlardan ödəniş 718.00  manat;

-             bələdiyyə əmlakının satışından daxil olan gəlirlər 104430.00  manat ;

-             icarəyə verilmiş torpaq sahələrindən alınan icarə haqqı  150815.00  manat;

-             icarəyə verilmiş əmlakdan icarə haqqı  12000.00 manat;

-             bələdiyyənin digər fəaliyyətindən (“Dəfn mərasimi” xidmətləri sahəsindən) gəlirlər 23920.00  manat olub.

-             Dövlət büdcəsindən verilən dotasiya 55000.00 manat olub.

Hesabat dövründə bələdiyyənin xərcləri 393942.02 manat olub. Xərclərin istiqamətləri aşağıdakı kimidir:

-             əmək haqqı və onunla bağlı sair ödəmələrə 209417.38  manat;

-             əmək haqqına üstəlik (DSMF, işsizlik sığortası, icbari sığortalar) 72711.90  manat;

-             Ə/haqqına aid olan digər tutulmalar 7507.00 manat;

-             Ezamiyyə xərcləri 1770.98 manat;

-             dəftərxana ləvazimatı, cari təsərrüfat məqsədləri üçün mal və materialların alınmasına 3085.47  manat;

-             nəqliyyat xidmətləri haqqının ödənilməsinə 982.00  manat;

-             rabitə xidmətləri haqqının ödənilməsinə 2276.71  manat;

-             elektrik enerjisi haqqının ödənilməsinə 1500.00  manat;

-             qaz sərfi haqqının ödənilməsinə 805.00  manat;

-             su və kanalizasiyadan istifadə haqqının ödənilməsinə 500 manat;

-             abadlıq və tikinti işlərinə 60752.72  manat;

-             maddi yardımlara 14423.74  manat;

-             bank xidmətlərinə 1590.31  manat;

-             mətbuata abunə xərclərinə 2056.80  manat;

-             sair xərclərə ( Bələdiyyələrin Milli Assosiasiyasına üzvlük haqqı, reyestr idarəsinə, arxiv idarəsinə, audit yoxlamasına, bələdiyyə saytının abunə xərci, dövlət rüsumu, hərracların təşkili mərkəzinə, mütəxəssis rəyinin alınmasına və s.) 14562.01  manat vəsait xərclənib.

2024-cü ildə bələdiyyə tərəfindən müxtəlif abadlıq, yardım və digər tədbirlər həyata keçirib:

   - Novruz bayramı ərəfəsində S. Vurğun adına mədəniyyət və istirahət parkında cari təmir işləri aparılıb.

- Ramazan bayramında oruc tutan bələdiyyə işçiləri və KİV nümayəndələri üçün iftar süfrəsi açılıb.

- Ulu Öndər Heydər Əliyevin anadan olmasının ildönümü və “Yaşıl dünya naminə Həmrəylik ili” münasibətilə Bələdiyyə müxtəlif tədbirlər və ağacəkmə aksiyası keçirib.

 - Qurban bayramında bələdiyyə şəhid ailələrinə, Qarabağ müharibəsi əlillərinə və imkansız ailələrə, ümumilikdə 550 kq Qurban əti paylayıb. Bu məqsəd üçün bələdiyyə büdcəsindən 7700 manat vəasit ayrılıb.

  - Bələdiyyənin idarəçiliyində olan bütün qəbiristanlıqlarda təmizlik işləri aparılıb, iməciliklər təşkil olunub.

  - Sağ Sahil qəbiristanlığında şəhidlər Eldəniz Əlimuxtarov və Yadigar Mənsurovun  məzarüstü abidələri təmir edilib.

  - Şəhid ailələrinin yaşadıqları 20 Yanvar küçəsi, 9 saylı binanın qarşısındakı xeyir-şər mağarının təmiri üçün material yardımı edilib.

  - Şəhid anası Abbasova Mehriban Əsgər qızının qəbirüstü abidəsi hazırlanaraq qoyulub.

  - Şəhid oğlu Babayev Elşad Vaqib oğlunun qəbirüstü abidəsi hazırlanaraq qoyulub.

  - I qrup Qarabağ müharibəsi əlili Şirinov Qaryağdı Şirin oğlunun və onun oğlu Vətən müharibəsi veteranı Şirinov Namaz Qaryağdı oğlunun qəbirüstü abidələri hazırlanaraq qoyulub.

  - H.Əliyev prospektindəki xiyabanda yenidənqurma və abadlıq işləri görülüb. Xiyabana 140 ədəd dekorativ bəzək ağacları əkilib, 500 kv.metr sahəyə təbii ot örtüyü döşənib, 2000 ədəd müxtəlif gül kolları əkilib, 18 ədəd quş və “heyvan heykəlləri” qoyulub, 1 ədəd “Ürək” abidəsi quraşdırılıb. Abadlaşma işlərinə 44336 manat vəsait xərclənib.

  - M.Maqomayev prospekti, 48, 50,54 saylı, M.F.Axundov küçəsi, 16, 18 saylı, 20 Yanvar küçəsi, 9 saylı, H.Əliyev prospekti, 51 saylı, Ü.Hacıbəyov küçəsi, 78 saylı və  M.H.Şəhriyar küçəsi, 3 saylı binaların qarşısına 5 ədəd söhbətgah, 20 ədəd oturacaq qoyulub.

  - Şəhid ailələri Canbaxışov Xeyrulla Bəxtiyar oğluna, Əliyev Ceyhun Məhərrəm oğluna və Abbasov Nəriman Əbilfət oğluna – hər birinə 200 manat maddi yardım edilib.

   - İkinci qrup Qarabağ müharibəsi əlili Heydərov Nemət Qurban oğlunun mənzilinin təmirinə mal-material yardımı edilib.

   - Bələdiyyə üzvü Qurbanova Sevinc Suryel qızının xeyir işinə 300 manat, imkansız Süleymanov Mansur Ənvər oğluna 100 manat maddi yardım göstərilib.

     - Müalicəyə ehtiyacı olan bir qrup bələdiyyə qulluqçularına müxtəlif məbləğdə yardımlar edilib.

      Hesabat dövründə imkansız vətəndaşlara maddi yardımların verilməsi bələdiyyənin əsas fəaliyyət istiqamətlərindən biri olub. Şəhid ailələri və Qarabağ müharibəsi əlillərinin müraciətlərinə xüsusi diqqətlə yanaşılıb. Yardımlar müxtəlif formada həyata keçirilib. Bələdiyyə yas və dəfn mərasimlərinə, qəbirüstü abidələrin düzəldilməsinə yardımçı olub. 35 nəfər müxtəlif məbləğdə pul yardımları edilib.

Bütün yardımlara ümumilikdə bələdiyyə büdcəsindən 14423 manat vəsait ayrılıb.

2024-cü ildə bələdiyyə tərəfindən fərdi yaşayış evinin tikintisi üçün zəbt edilmiş ərazilərdən 21 nəfərin mülkiyyətinə 0,7544 ha torpaq sahəsi verilib.

Sahibkarlıq fəaliyyəti ilə məşğul olmaları üçün mülkiyyətlərində olan qeyri-yaşayış obyektlərinin yerləşdiyi torpaq sahələri 7 sahibkara mülkiyyətə, 16 sahibkara icarəyə verilib. 7 sahibkara 21.24 ha torpaq sahəsi kənd təsərrüfatı məhsullarının istehsalı məqsədi ilə hərracla icarəyə ayrılıb.

Hesabat dövründə bələdiyyə tərəfindən bir sıra tədbirlər həyata keçirilib.

Məhəllə komitələrinin sədrləri ilə, KİV nümayəndələri ilə, QHT təmsilçiləri ilə bələdiyyədə görüşlər keçirilib. Dövlət və milli bayramlarda bələdiyyə üzv və qulluqçuları fəal iştirak ediblər. Bələdiyyənin  Həmkarlar təşkilatı Beynəlxalq Qadınlar günü, Novruz bayramı, Müstəqillik günü münasibəti ilə, “Zəfər” bayramı və Yeni il münasibəti ilə tədbirlər təşkil edib. Təşkilat tərəfindən 18 işçiyə maddi yardımlar göstərilib, 3 işçinin yubileyi qeyd olunub.

Azərbaycan Yazıçılar Birliyinin Mingəçevir Bölməsinin 25 illik yubileyi və Milli Mətbuat günü münasibəti ilə tədbirlər keçirilib

Ədliyyə Nazirliyi Bərdə Regional Ədliyyə İdarəsinin əməkdaşları tərəfindən Mingəçevir Bələdiyyəsində seminar-müşavirələr keçirilib.

Mingəçevir Bələdiyyəsi keçən ildən “İqtisadi inkişafı dəstəkləyən bələdiyyə sədrləri” layihəsinin üzvüdür. Layihə çərçivəsində elan olunmuş müsabiqədə bələdiyyəmiz də fəal iştirak edib və qaliblərdən biri olub.

Bələdiyyənin nümayəndəsi Humay Baxışova beynəlxalq layihə çərçivəsində yerli və Avropa bələdiyyələri arasında əməkdaşlıq, təcrübələrin öyrənilməsi, tərəflər arasında dialoqun güclənməsi məqsədi ilə Polşada keçirilmiş tədbirdə iştirak edib.

Bələdiyyənin sədr müavini Əli Əliyev Mingəçevir şəhəri ilə qardaşlaşmış Özbəkistanın Namanqan şəhərində keçirilən 63-cü Beynəlxalq Gül Festivalında bələdiyyəni təmsil edib.

Mingəçevir bələdiyyəsi