Fidan Fərzəliyeva: “Şabran bələdiyyəsi bundan sonra da milli dəyərlərin təbliğini davam edəcəkdir”
“Ramazan ayının mübarək günlərində insanların bir araya gəlməsi, mənəvi dəyərlərin paylaşılması və həmrəyliyin möhkəmləndirilməsi məqsədilə Şabran bələdiyyəsi tərəfindən rayonunun Çölquşçu kənd məscidində iftar süfrəsi təşkil edilmişdir”-bu fikirləri Belediyye.infoya adıçəkilən bələdiyyənin sədri Fidan Fərzəliyeva deyib.
Sədr
qeyd edib ki, təşkil olunan iftar süfrəsində kənd sakinləri, ağsaqqallar bir
araya gələrək müqəddəs Ramazan ayının fəzilətlərindən bəhrələnmiş, birlik və
qardaşlıq ruhunu bölüşmüşlər. Belə tədbirlər cəmiyyətimizdə milli-mənəvi
dəyərlərin qorunması, insanlar arasında qarşılıqlı hörmət və həmrəyliyin daha
da gücləndirilməsi baxımından xüsusi əhəmiyyət daşıyır.
Sədr
diqqətə çatdırıb ki, Şabran bələdiyyəsi
bundan sonra da milli dəyərlərin təbliği, eləcə də cəmiyyətimizdə birlik və həmrəyliyin
möhkəmləndirilməsi istiqamətində təşəbbüsləri dəstəkləməyə davam edəcəkdir.
“Uca Allahdan tutulan orucların, edilən duaların qəbul olunmasını diləyir, müqəddəs Ramazan ayının hər bir ailəyə ruzi-bərəkət, sağlamlıq və əmin-amanlıq gətirməsini arzu edirik”- bu fikirləri də Fidan Fərzəliyeva deyib.
Belediyye.info
Rəylər
0 Rəy