Belediyye.info 2015-ci ilin may ayının 25-i tarixindən fəaliyyətdədir.

13-11-2023 , 19:04

Ən çox oxunanlar

Bu gün Bu həftə Bu ay
Gündəlik Xəbərlər
- +

Şuşa rayonunda kənd təsərrüfatı işlərinin gedişi haqqında

Şuşa rayonu üzrə 2023-cü ilin məhsulu üçün 01 yanvar 2023-cü il vəziyyətinə 2306,8 hektar sahədə şumlama işi aparılmış, ondan 744,9 hektarında buğda, 1232,8 hektarında arpa, 112,6 hektarında  isə yaşıl yem üçün  xəsil əkilmişdir. Məhsul yığımı üçün yaz əkininin sonunadək salamat qalan sahə 549,1 hektar buğda sahəsi və 561,6 hektar arpa sahəsi olmuşdur.

2023-cü ilin məhsulu üçün rayon üzrə yazlıq əkin də aparılmışdır. Yazlıq əkindən 10,8 hektar sahədə dən üçün qarğıdalı, 67,9 hektar sahədə tərəvəz, 2,7 hektar sahədə kartof, 15,8 hektar sahədə isə yazlıq yonca və 82,0 hektar sahədə ərzaq üçün bostan bitkiləri (52,0 hektar yemiş, 30,0 hektar qarpız)  əkilmişdir.

Beləliklə, 2023-cü ilin məhsulu üçün 1473,1 hektar əkin sahəsi vardır. Bunun 1223,3 hektarı payızlıq, 179,2 hektarı yazlıq və 70,6 hektarı  isə keçən illərdən qalmış yonca sahəsidir.

 Bundan başqa rayonumuzda 12,5 hektar bağ sahəsi vardır. 

 2023-cü ilin məhsulu üçün əkin sahələri 2022-ci ilə nisbətən 940,1 hektar və ya 39,0 faiz azalmışdır.  

01 oktyabr 2023-ci il tarixinə qarğıdalı və tərəvəz istisna olmaqla bütün əkin sahələrində məhsul yığımı başa çatdırılmışdır.

 2023-cü il oktyabr ayının 1-i tarixinə 549,1 hektar buğda sahəsindən 11539,0 sentner məhsul əldə edilmişdir ki, bu da keçən ilə nisbətən 3920,0 sentner, yəni 25,4 faiz az olmuşdur. Keçən il məhsuldarlıq 22.5 sentner/ha olduğu halda, bu il 21,0 sentner/ha olmuşdur. 

2023-cü il oktyabr ayının 1-i tarixinə 561,6 hektar arpa sahəsindən 11332,0 sentner məhsul əldə edilmişdir ki, bu da keçən ilə nisbətən 11860,0 sentner, yəni 51,1 faiz az olmuşdur. Keçən il məhsuldarlıq 20,3 sentner/ha olduğu halda, bu il 20,2 sentner/ha olmuşdur. 

2023-cü il oktyabr ayının 1-i tarixinə 2,7 hektar kartof sahəsindən 405,0 sentner məhsul əldə edilmişdir ki, bu da keçən ilə nisbətən 175,0 sentner, yəni 76,1 faiz çoxdur. Məhsuldarlıq keçən il 115,0 sentner/ha olduğu halda, bu il 150,0 sentner/ha olmuşdur.  

2023-cü il oktyabr ayının 1-i tarixinə 67,9 hektar tərəvəz sahəsindən 59,4 hektarında məhsul yığımı aparılmış 11499,0 sentner məhsul əldə edilmişdir ki, bu da keçən ilə nisbətən 9916,0 sentner, yəni 56,3 faiz az olmuşdur. Keçən il məhsuldarlıq 211,0 sentner/ha olduğu halda, bu il 193,6 sentner/ha olmuşdur. 

2023-cü il oktyabr ayının 1-i tarixinə 82,0 hektar ərzaq üçün bostan bitkiləri sahəsindən 15463,0 sentner məhsul əldə edilmişdir ki, bu da keçən ilə nisbətən 9243,0 sentner, yəni 148,6 faiz çox olmuşdur. Keçən il məhsuldarlıq 122,0 sentner/ha olduğu halda, bu il 188,6 sentner/ha olmuşdur.

2023-cü il oktyabr ayının 1-i tarixinə 86,4 hektar yonca sahəsindən 3639,0 sentner məhsul əldə edilmişdir ki, bu da keçən ilə nisbətən 2363,0 sentner, yəni 39,4 faiz az olmuşdur. Keçən il məhsuldarlıq  42,0 sentner/ha olduğu halda, bu il 42,1 sentner/ha olmuşdur. 

2023-cü il oktyabr ayının 1-i tarixinə 10,8 hektar qarğıdalı sahəsindən 4,0 hektarında məhsul yığımı aparılmış 160,0 sentner məhsul əldə edilmişdir. Məhsuldarlıq 40,0 sentner/ha olmuşdur. 

2023-cü il oktyabr ayının 1-i tarixinə 12,5 hektar meyvə bağı sahəsi vardır ki, 01 oktyabr 2023-ci il vəziyyətinə məhsul yığımı aparılmamışdır.

2023-cü il oktyabr ayının 1-i tarixinə heyvandarlıq sahəsində rayon üzrə bütün  təsərrüfat kateqoriyalarında  4751 baş iribuynuzlu mal-qara, o cümlədən 2317 baş inək və camış, 34947 baş qoyun və keçi mövcud olmuşdur. 

01 oktyabr 2023-cü il tarixinə ötən ilin müvafiq dövrünə nisbətən  iribuynuzlu mal-qara  167 baş, yəni 3,4 faiz, o cümlədən inək və camış 109 baş, yəni 4,5 faiz, qoyun və keçilər isə 1434 baş, 3,9 faiz az olmuşdur.

2023-cü il oktyabr ayının 1-i tarixinə rayon üzrə ət istehsalı 2763,0 sentner (diri çəkidə), süd istehsalı 16800,0 sentner, yumurta istehsalı 791,0 min ədəd, yun istehsalı isə 540,0 sentner olmuşdur. Keçən ilin müvafiq dövrünə nisbətən ət 12,0 sentner, yəni 0.4 faiz az, süd  5,0 sentner, yəni 0,03 faiz az, yumurta isə 5,0 min ədəd, yəni 0,6 faiz çox, yun 5,0 sentner, yəni 0,9 faiz çox olmuşdur.

2023-cü ilin yanvar-sentyabr aylarında kənd təsərrüfatı üzrə məhsul buraxılışının həcmi 6241,3 min manat (o cümlədən 2959,4 min manat bitkiçilik, 3281,9 min manatı isə heyvandarlıq məhsulları üzrədir), yəni keçən ilin müvafiq dövrünə nisbətən 19,5 faiz az olmuşdur.

Anar Xəlilov

Şuşa Rayon Statistika İdarəsinin rəisi 

Rəylər

0 Rəy


Rəy yaz

Oxşar xəbərlər

Hümbət Hüseynovu fərqləndirən cəhətlər

Gündəlik Xəbərlər
02-12-2023

Şuşa rayonu üzrə payızlıq əkin davam edir

Gündəlik Xəbərlər
01-12-2023

Bələdiyyələr nə qədər gəlir əldə edib?

Gündəlik Xəbərlər
30-11-2023