Təbriz Ağayev: “Buzovna bələdiyyəsi şəhər mühitinin inkişafında fəal iştirak edir”
“"Şəhərsalma və Memarlıq İli" çərçivəsində ölkənin müxtəlif bölgələrində abadlıq və quruculuq işləri geniş vüsət alıb. Bu prosesdə Buzovna bələdiyyəsi də fəal iştirak edərək yaşayış məntəqələrinin inkişafına yönəlmiş müxtəlif yerli əhəmiyyətli layihələr həyata keçirir” bu fikirləri Belediyye.infoya adıçəkilən bələdiyyənin sədr müavini Təbriz Ağayev deyib.
Sədr müavininin
sözlərinə görə, bu gün bələdiyyə tərəfindən
qəsəbənin küçə və məhəllələrin
abadlaşdırılması, yaşıllıq zolaqlarının artırılması, park və istirahət
zonalarının yaradılması istiqamətində işlər aparılır. Həyata keçirilən tədbirlər
qəsəbənin memarlıq simasının yaxşılaşdırılmasına və sakinlər üçün daha rahat
yaşayış mühitinin formalaşdırılmasına xidmət edir.
Buzovna bələdiyyəsi tərəfindən həyata keçirilən layihələrdə yerli sakinlərin də iştirakı təşviq olunur. Bu isə ictimai fəallığın artırılması və yerli əhəmiyyətli problemlərin daha operativ həllinə şərait yaradır.
Belediyye.info
Rəylər
0 Rəy