Bu günlərdə Səbail RİH-də tədbir keçirilib. Özü də başçının müavininin yubileyinə həsr olunan bir tədbir. RİH tərəfindən məlumat paylaşılır və bələdiyyə sədrinin adı üçüncü sırada aydın şəkildə qeyd edilir. Bu məlumatın paylaşılmasında əslində qeyri-adi bir şey yoxdur. Sıradan bir tədbir keçirilib və sıradan da bir məlumat paylaşılıb.  Ancaq sözümün canı var.

Sözümün canı ondadır ki, icra-bələdiyyə münasibətləri görün bu rayonda hansı səviyyədədir ki, bələdiyyəyə və onun sədrinə belə hörmətlə yanaşılır. Bu həmdə RİH-in özünə qarşı olan hörməti kimi qəbul edilir, digər tərəfdən də yaradılan şərait nəticəsində bələdiyyənin qazandığı çəki, hörmət və nüfuzundan xəbər verir.

Demək, siyasi rəhbər yerində olanda bələdiyyənin də çəkisi yerində olur, habelə sakinlər arasında hörməti daha yüksək olur.

Təəssüf edirəm ki, Yasamal, Xətai və Nərimanov  rayonlarını çıxsaq, paytaxtın digər rayonlarında belə bir münasibətə rast gəlinmir. Hətta fəaliyyətini təbliğ etməyə belə imkan verilməyən RİH-lər bu gündə var. Bu qədər qısqanclıq nəyə və kimə lazımdır, maraqlıdır.

Sözsüz ki, prosesin belə anormal vəziyyət alınmasında "sözdaşıyan" məmurların da xüsusi rolu var. Nəzərə alsaq ki qarşıdan həm də bu qurumların seçkisi yaxınlaşır, onda düşünmək olar ki, söylədiyimiz məmurların vaxtından əvvəl “çiçəyi çırtlamağa” başlayıb. Yəni müəyyən məqamların süni şəkildə manipulyasıya edilməsi... Nə isə.  Çox dərinə getməyək....  

RİH bascıları arasında hamının ümidlə baxdıqları birinin də bu cür proseslərə qoşulmasına isə çox təəssüflənirəm. Nə isə...

Ayıb olsun o məmurlara ki, axşama kimi "yükləmək" istədikləri bələdiyyələrə yuxarıdan aşağıya baxır və hətta paylaşdıqları məlumatlarda da onlara yer ayırmağa imkan vermirlər... Nə isə...

Ən maraqlı məqam isə tədbirin sonunda RİH kollektivinin bütün üzvlərinin iştirakı ilə xatirə şəklinin  çəkilməsidir. Bu isə ondan xəbər verir ki, Səbail RİH-də təmiz, səmimi bir atmosfer yaranıb. Bax bu məqama görə də, siyasi rəhbərə təşəkkür düşür.  

P.S.  Təbriklərə isə bizdə qoşuluruq.