Belediyye.info 2015-ci ilin may ayının 25-i tarixindən fəaliyyətdədir.

06-11-2023 , 21:43

Ən çox oxunanlar

Bu gün Bu həftə Bu ay
Region
- +

Bələdiyyə sədri: “Məhkəmə çəkişməsi zamanı hər bir bələdiyyə sistemli və qanunamüvafiq şəkildə iş aparmalıdır ki, uğur qazansın”

“Biləsuvar rayonu Səmədabad bələdiyyəsi yeni layhənin icrasına start verib” – bu barədə məlumatı adıçəkilən bələdiyyənin sədri Əliislam Orucov ildirib. 

Bələdiyyə sədrinin sözlərinə görə, kəndin yeni yaşayış massivində yaşayan sakinlərin su probleminin həlli bələdiyyə iclasında müzakirə olunaraq yeni su xəttinin çəkilişi qərara alınıb.

Kəndin dörd küçəsinə hər bir 650 metr olmaqla ümumilikdə 2600 metr 110 mm-lik kapron boru vasitəsiylə suyun çəkilişi həyata keçirilməkdədir.

Bundan əvvəl isə həmin küçələrə çınqıl döşənərək yayılımış və sakinlərin xüsusəndə məktəbyaşlı uşaqların hərəkəti üçün lazımı şərati yaradılmışdır. 

Sədr bildirib ki, layihə başa çatandan sonra  kəndin digər ərazilərinə də su xəttinin çəkilişinin həyata keçirilməsi nəzərdə tutulub.  

Bələdiyyənin vergi yığımına toxunan sədr bildirib ki, iki kəndi əhatə edən bələdiyyə ərazisində 800 təsərrüfat vardır. Təəssüflər olsun ki, onların yalnız 40-45 faizindən vergi yığımaq mümkündür. Bir tərəfdən də mövcud əmlakın çıxarışlarının olmaması və əhalinin bu sənədləri əldə etməyə maraqlarının olmaması nəticədə bələdiyyənin büdcə gəlirlərinə mənfi təsir göstərməkdədir.

Bununla yanaşı bəzi vergi ödəyicilərinin vergiləri ödəmək əvəzinə bələdiyyəyə problem yaratmaları da təəssüf doğurur. Məhz belə vergi ödəyicilərindən biri ilə uzun sürən  məhkəmə  çəkişməsində hakimin ədalətli mövqe tutaraq  bələdiyyənin xeyrinə qərar verməsi nəticəsində bələdiyyə büdcəsinə kifayət qədər maliyyə vəsaiti daxil olub. Həyata keçirdiyimiz layihələrdə məhz həmin maliyyə vəsaitiylə yerinə yetirilir. Məhkəmə çəkişməsi zamanı hər bir bələdiyyə sistemli və qanunmüvafiq şəkildə iş aparmalıdır. Yalnız bu halda uğur qazanmaq olar. 

Düşünürəm ki, hər bir bələdiyyənin kollektivi  vergi ödəyciləri arasında dayanmadan maarifləndirmə işlərinə diqqəti artırmalıdırlar ki, bələdiyyəyə vergi yığımında  probem yaranmasın və vergilər  vaxtında ödənsin.   

Belediyye.info