Zülfüqar Yusifov: “Gədəbəy bələdiyyəsinin əsas fəaliyyəti vətəndaş məmnunluğunu təmin etməyə yönəlib”
“Gədəbəy bələdiyyəsinin daxili imkanları hesabına küçələrin işıqlandırılmaşı üçün işlərə başlanılmışdır”- bu barədə məlumatı adıçəkilən bələdiyyənin sədri Zülfüqar Yusifov bildirib.
Sədrin sözlərinə görə, cari ildə bələdiyyə iclasının qərarına əsasən şəhərin beş küçəsinin işıqlandırılması qərara alınıb. Əldə edilən büdcə gəlirləri hesabına layihənin icrasına ilk olaraq Aydın Məmmədov küçəsindən başlanılmışdır.
Bu gün artıq iki küçənin işıqlandırılması başa çatdırılmış, yaxın günlərdə digər üç küçənin də işıqlandırılması başa çatdırılacaqdır.
Sədrin sözlərinə görə, Gədəbəy bələdiyyəsinin əsas fəaliyyəti vətəndaş məmnunluğunu təmin etməyə yönəlib. Bununla yanaşı əsas vəzifəmiz sakinlərimizin qarşılaşdığı problemlərin həllinə maliyyə imkanları daxilində nail olmaqdır.
Belediyye.info
Rəylər
0 Rəy