“Bələdiyyə torpaqlarının sənədləşdirlməsinin icrası ASAN xidmət mərkəzlərinə verilməsi ümumilkdə həm şəffaflığın, həm də vətəndaş məmnunluğunun təmin edilməsində mühüm rol oynaya bilər”- bu fikirləri Belediyye.infoya  Sumqayıt Bələdiyyəsinin sədri vəzifəsini icra edən Orxan Adıgözəlzadə bildirib.

Hazırda vətəndaşın əmlakının sənədləşdirilməsində, habelə bələdiyyə mülkiyyətinə aid edilən ərazilərin -bələdiyyə torpaqlarının, istər bələdiyyə tərəfindən, istərsə də vətəndaşlar tərəfindən həyata keçirilməsində, etiraf edək ki, ciddi problemlər mövcuddur. Bir tərəfdən prosesin günlərlə və aylarla davam etməsi, bəzi hallarda neqativ halların baş vermə ehtimalının yüksək olması, o cümlədən bəzi bürokratik amillərin mövcudluğu nəticə etibariylə sakinlərin narazılğını artırmış olur.

Bir tərəfdən Əmlak məsələləri Dövlət xidmətinin, digər tərəfdən Şəhərsalma və Arxitektura Komitəsində çalışan bəzi məmurların bələdiyyələrin müraciətlərinə etinasız şəkildə baxılması, üstəlik bu günədək bələdiyyələrə xəritələrin verilməməsi,  ən əsası Əmlak məsələləri Dövlət xidmətində vahid xəritənin qəbul edilməsinə marağın belə olmaması vətəndaşlar arasında narazılığa səbəb olur.

Təəssüf ki, prosesi ləngidən orqanlar yaxalarını kənara çəkdiyindən vətəndaş qarşısına bələdiyyə çıxmalı olur.

Odur ki,  bələdiyyə torpaqlarının sənədləşdirilməsiylə bağlı bütün prosesin, bələdiyyə təmsilçisinə də mərkəzdə yer ayrılması şərtiylə, ASAN Xidmət mərkəzlərinə verilməklə prosesin icrasında  “vahid pəncərə sistemi”nin tətbiq edilməsi nəticədə problemin həllini sürətləndirmiş olacaqdır.