20-09-2024 , 22:53
2270
Yüklənir...
Ağsu rayonu Gəgəli bələdiyyəsi
04-09-2023
Gəncə şəhəri Nizami bələdiyyəsi
08-04-2023
07-04-2023
07-04-2023
06-04-2023
06-04-2023
06-04-2023
06-05-2025
16:27
18-11-2024
21:35
25-10-2024
22:08
17-10-2024
09:05
+
Bələdiyyə sədri: "Şəhidlərimizin xatirəsini əziz tutmaq hər bir bələdiyyə üzvünün ən ali məqsədi olmalıdır"
"Xətai rayonunda hər bir şəhidin xatirəsi əziz tutulur. Rayonun park və meydanlarının, habelə məhəllədaxili istirahət zolaqları da təmir edilərək ərazidə şəhidlərə həsr olunan abidə kompleksi ucaldılır"- bu fikirləri adıçəkilən rayonun bələdiyyə sədri Elşad Vəliyev bildirib.
Sədrin sözlərinə görə, son ayda artıq Xətai RİH-in təşəbbüsü ilə üçüncü xatirə kompleksi açılışa hazırlanıb. Ərazidə həm abadlıq işləri aparılmış, sakinlərin istirahəti üçün lazım olan oturacaqlar, söhbətkeşlər quraşdırlımış, yaşıllıq zolaqları qazon örtüyü ilə örtülmüş, əlavə yaşıl gül kolları və ağaclar əkilmişdir.
Mehmandarov 74 küçəsində lokal antiterror tədbirləri zamanı gənc yaşında şəhid olmuş Zeynal İsmiyevin və I Qarabağ müharibəsi zamanı şəhid olmuş Allahverdi Xəlilovun xatirəsinə abidə kompleksi açılışa hazırdı, habelə lokal antiterror tədbirləri zamanı şəhid olan Rasim Məmmədovun barelyefi yaşadığı binaya vurulub.
Bələdiyyə sədri bildirib ki, dövlətimizin başçısının “Şəhidlər bizim qəlbimizdə əbədi yaşayır, yaşayacaq” sözləri xalqımızın şəhidlərimizə göstərdiyi münasibətinin təzahürüdür.
Odur ki, şəhidlərimizin xatirəsini əziz tutmaq hər bir bələdiyyə üzvünün ən ali məqsədi olmalıdır.
Qeyd edək ki, Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu İsmiyev Zeynal Mustafa oğlu ölümündən sonra Azərbaycan prezidenti İlham Əliyevin sərəncamına əsasən “Vətən uğrunda” medalı ilə və 3-cü dərəcəli “Vətənə xidmətə görə” ordeni ilə təltif edilib.
Allahverdi Sabir oğlu Xəlilov isə ölümündən sonra “Azərbaycan Bayrağı” ordeni və “Hərbi xidmətə görə” medalı ilə təltif olunmuşdur.
23 sentyabr 1994-cü ildə 263 saylı orta məktəbə Allahverdi Sabir oğlu Xəlilovun adı verilib.
Belediyye.info
Rəylər
0 Rəy